Waa maxay Qirashada Dhaarta Aabannimada?
Sababtoo ah dhammaan caruurtu waxay uqalmaan faa’iidooyinka uu aabaha sharciga ah siin karo.
Haddii aysan isqabin, ayna labada dhinac isku raacaan inay yihiin waalidiinta dhalay cunuga, "Cadaynta Xaqiijinta Aabenimada” (JFS 07038) ayaa la buuxin karaa. Ayagoo saxiixaaya foomka, waalidiinta ayaa xaqiijinaaya aabenimada cunugooda - taasoo ka dhigan in aabenimada sharciyan la aqoonsan yahay. Buuxinta foomkaan ayaa ah mid ikhtiyaari ah, waana mid bilaash ah, waana qaabka ugu dhakhsaha badan ee lagu xaqiijiyo aabenimada. Marka la buuxsho, Cadaynta Xaqiijinta Aabenimada ayaa loo adeegsadaa in lagu daro aabaha dhalay shahaadada Dhalashada ilmaha.
Cadaynta aabenimada waa inaysan adeegsan:
Hooyo xaas leh
Hooyo la furay 300 o maalmood kadib markuu cunugu dhashay ilaa inay hesho maahee cadaynta furiinka oo sheegaaya inaan ninkeedu ahayn aabaha ilmaha.
Hooyo sharciyan ay kala tageen ninkeedii
Haddii ay jiraan wax tuhun ah oo ku xeeran cidda ah aabaha cunuga, ha saxiixin Cadaynta Xaqiijinta Aabenimada. Waxaa laga yaabaa inaad u baahato baaritaanka hide sidaha kahor intaadan go'aanka gaarin.
Waxaa jira xaalado gaar ah oo ka hor istaagi kara qofka inuu adeegsado cadaynta si loo xaqiijiyo aabenimada. Haddii aadan hubin, la xariir CSEA gaaga maxaliga ah. Halkaan guji si aad u ogaato goobta CSEA ga degmadaada.
Baro wax wax badan oo ku saabsan diiwaangelinnada caafimaadka iyo tallooyin ku saabsan sida loogu diyaargarooobo samaynta aabbanimada isbitaalka.
Waa maxay shuruudaha la isaga baahan yahay ee buuxinayo Qirashada Dhaarta Aabbanimada (JFS 07038)?
Labada waalidba waa inay ku qoraan magacooda oo buuxa, ciwaanka ay hadda degan yihiin, taariikhooda dhalashada, iyo Lambarradooda Soshal Sekiyuuratiga (haddii ay ay haystaan). Sidoo kale aabbaha waa inuu ku qoraa magaca gobolka ama waddanka uu ku dhashay.
Aabbaha iyo hooyada ilmaha dhalay waa in ay wada saxiixaan xaashida dhaarta. Warqadda dhaarta waalid wuu saxiixi karaa iyada oo aan waalidka kale aysan wada joogin. Saxiixa waalidka kasta waa in la nootaayeeyaa ama markhaati ka noqdaa laba markhaati oo qaangaar ah wakhtiga xaanshida la saxiixayo.
Waalidiintu waa inay dhiibaan aqoonsi sawir ku dhegan haddii ay saxiixyaan iyada oo uu joogo qofka nootaayada; markhaatiyadu uma baahna aqoonsi sawir.
Xubnaha qoyska ee qaangaarka ah ayaa markhaati noqon kara. Labada waalid midkood ayaa saxiixi kara oo markhaati u noqon kara waalidka kale.
Markhaatiyaal iyo nootaayooyinka oo bilaash ah ayaad waxaad ka heli kartaan isbitaalada, waaxda caafimaadka/diiwangeliyayaasha, iyo CSEA-yada.
Xagee ayaa ka buuxin karaa dhaarta aabbanimada?
Aqoonsiga qirashada aabbanimada waxaa laga buuxin karaa gooban:
Waqtiga ilmaha dhashaan, waalidiinta aan isguursan ayaa waxaa loo fidiyaa fursad ah inay buuxiyaan xaashida dhaarta inta ay isbitaalka joogaan ama ay ku jiraan xarunta ilmuhu ku dhashay.
Markaa ka dib, xaashida dhaarta ah ayaa waxaa dhici karta in laga buuxiyo waaxda caafimaadka degaankaaga. Halkan guji si aad u hesho waax caafimaad.
Sidoo kale xaashida dhaarta waxaad ka buuxin kartaa waakaaladda fulinta masaruufka ilmaha (CSEA). Halkan guji si aad u hesho goobta CSEA ka ee degmadaada.
Goobahan oo dhan waxaa jooga shaqaale tababaran oo diyaar u ah inay waalidiinta ay ka caawiyaan in ay buuxiyaan xaashida dhaarta dhaarta. Waxaa sidoo kale u jooga shaaqle haysta nootaayada ama markhaati qof ka noqda marka waalidiinta xaashida ay saxiixayaan. Haddii foomku la nooteeyo, waalidku waa inay qofka nootaayada ay u dhiibaan aqoonsi sawir ku dhegan.
Labada waalid midkood ayaa sidoo kale Xarunta Dhexe ee Diiwaangelinta Aabbanimadae Ohio (Central Paternity Registry) (CPR) ka wici kara 1-888-810-OHIO (6446) oo codsan kara in nuqdi boostada loogu soo diro.
Buuxinta xaashida dhaarta – Laba Nooc ayaa Jira
Waxaa jira laba nooc oo xaashida dhaarta ah oo la heli karo. Mid ka mid ah foormka wuxuu u baahan kaliya lagu hor saxiixo qof nootaayo ah. Foomka kale waa inuu ka markhaati noqdaa laba markhaati oo qaangaar ah ama nootaayo hor istaagaa. Labada foomka waa la aqbali karaa.
Nootaayo ka hor
Haddii adiga iskaaga aad buuxinayso oo qof nootaayo haysto hortii ah, marka hore buuxi qaybta macluumaadka ilmaha, Markaa kadib hooyada iyo aabbuhu waa inay qaadaan tillaabooyinka soo socda:
1. Buuxi macluumaadka Hooyada iyo AabbahaXaqiijintaee qaybaha.
See bogga 1 si aad uga aragto tilmaamo iyo xog kale oo gaar ah muhiimna ah. Hubi inaad dib indhaha u mariso bogga oo dhan ka hor inta aadan buuxin oo aadna saxiixin xaashida dhaarta.
Sidoo kale waxaad arki kartaa xanshiyaheena dhaarta ee tusaasala ah si aad isaga hubiso haddii qayb kasta aad u buuxisay sida saxda ah. Guji sawirka xaanshida dhaarta hoose si aad farta u weynayso.
2. Foormka ku hor saxiix qof nootaayo ah.
Labada waalidba waa inay xaanshida dhaarta ay wada saxiixaan, laakiin qasab ma aha inay iyagoo wada jira ah oo ay isla joogaan ku wada saxiixaan isla goobta nootaayada.
Waalidiinta xaashida dhaarta waxaa loogu nootaayogarayn karaa si bilaash ah marka ay joogaan xarunta masaruufka ilmaha ee xaafaddooda ama xafiiska waaxda caafimaadka/xafiiska diiwaangelinta tirakoobka.
3. Waalidka buuxinaya saxiixa ugu dambeeya ee nootaayada waa inuu xaashida oo dhammaystiran boostada ugu soo diraa Diiwaanka Aabbaha Dhexe ee Ohio (Ohio Central Paternity Registry) isaga oo isticmaalaya ciwaanka ku qoran xaashida dhaarta.
Muunada Cadaynta: guji sawirka si aad u weyneyso
Laba markhaati ama nootaayo hortiisa
Foomku wuxuu u oggolaanayaa waalidiinta inay ku hor saxiixaan qof nootaayo hortiisa ama laba qof oo qaangaar ah hoortooda. Haddii adiga aad iskaaga u buuxinayso, marka hore buuxi qaybta macluumaadka ilmaha. Markaa kadib hooyada iyo aabbuhu waa inay qaadaan tillaabooyinka soo socda:
1. Buuxi macluumaadka ku qoran qaybaha Hooyada iyo Aabbaha.
Fiiri bogga 1 si aad uga aragto tilmaamo iyo xog kale oo gaar ah muhiimna ah. Hubi inaad dib indhaha u mariso bogga oo dhan ka hor inta aadan buuxin oo aadna saxiixin xaashida dhaarta.
Sidoo kale waxaad arki kartaa xanshiyaheena dhaarta ee tusaasala ah si aad isaga hubiso haddii qayb kasta aad u buuxisay sida saxda ah. Guji sawirka xaanshida dhaarta hoose si aad farta u weynayso.
2. Foormka ku hor saxiix qof nootaayo ama laba markhaati oo qaangaar ah.
Labada waalidba waxay xaashida dhaarta ku hor saxiix karaan qof nootaayo hortiisa ama laba markhaatiyaal oo qaangaar ah hoortooda, laakiin qasab ma aha inay ku waalid ay mar wada joogaan isla nootaayada/markhaatiyaasha oo midba mid kale kale isla wada joogaa.
Waalidiintu waxay warqadda dhaarta bilaashka ah ka heli karaan nootaayyada wakaaladda fulinta taageerada ilmaha ee deegaanka ama waaxda caafimaadka/xafiiska tirakoobka muhiimka ah.
Xubnaha qoyska ee qaangaarka ah ayaa markhaati noqon kara. Labada waalid midkood ayaa saxiixi kara oo markhaati u noqon kara waalidka kale.
3. Waalidka buuxiya saxiixa ugu dambeeyay ee nootaayaadka ama saxiixa markhaatiga waa inuu ku soo diraa dhaarta la dhammaystiray ee Diiwaanka Aabbanimada Ohio isagoo isticmaalaya ciwaanka ku qoran dhaarta.
Muunada Cadaynta: guji sawirka si aad u weyneyso
Ma qabtaa wax su’aalo ah? Baar Bogga yaga ee
Hakinta Macluumaadka
Midkood labada qof ee saxiixay Cadaynta Xaqiijinta Aabenimada ayaa codsan kara in cadaynta laga laabto (uu ka baxo) 60 maalmood gudahood kadib saxiixa ugu danbeeya ee cadaynta.
Wakaalada fulinta taageerada ilmaha ee cunuga ama waalidka ama masuulka sharciga ah ee cunugu dagan yahay ayaa shaqadaan gacan ka gaysanaysa. Waxaa qayb ka ah buuxinta foomka ka laabashada, iska qorista baaritaanka hide sidaha, iyo samaynta baaritaanka hide sidaha. CSEA ayaa soo saari doonta amarka cidda aabe noqonaysa ayadoo lagu salaynaayo natiijada baaritaanka.
CPR ayaa ogaysiiska u diraysa Waaxda Caafimaadka ee Ohio kadibna diiwaanka dhalashada ayaa la hakin doonaa ilaa aabenimada la xaqiijiyo. Marka baaritaanka hide sidaha la sameeyo CSEA na ay soo saarto amarka maamulka ee go'aaminaaya aabenimada, diiwaanka cunuga ee dhalashada ayay cusboonaysiinaysaa Waaxda Caafimaadka ee Ohio (ODH).
Kadib mudada 60 maalmood ah, labada dhinac midkood ayaa keeni kara dacwad maxkamadeed oo ka noqonaaya cadaynta hal sano kadib markay cadayntu noqoto mid sugan.
Ninka loo aqoonsado inuu noqdo aabaha cunuga sida ku cad sharciga Ohio ee aan saxiixin cadaynta, midkood labada qof ee saxiixay cadaynta, ama waalidka ama masuulka sharciga ah ee ilmaha ayaa keeni kara dacwad maxkamadeed oo lagu burinaayo cadaynta ayadoo lagu salaynaayo inay ahayd khiyaano, afduub, ama khalad dhanka xogta ah.
Kadib marka hal sano laga joogo taariikhda saxiixa cadaynta, qof ayaa gudbin kara mooshin uu iskaga bari yeelaayo xaqiijinta kama danbaysta ah ee aabenimada asagoo soo gudbinaaya dacwad maxkamadeed oo ku cad Xeerka Cusub ee Ohio ee farqooyinka 3119.96 ilaa 3119.967.